Напад со нож во метро станица во Брисел – тројца луѓе се повредени, еден потешко

Три лица се повредени, од кои едно потешко, во напад со нож што се случи денеска на метро станица во близина на европските институции во Брисел, соопшти белгиската полиција.

Нападот бил извршен на метро станицата „Шуман“, а соработката на неколку полициски служби овозможила брзо апсење на напаѓачот, објави на Твитер градоначалникот, Филип Клосе.

Првично беше објавено дека е повредено само едно лице. Засега остануваат непознати мотивите на напаѓачот, јавија белгиските медиуми.