Општинскиот комитет на ВМРО-ДПМНЕ од Струга реагира дека надвор од правна рамка, без минимум техничка документација и со гласање по Бадентер, мнозинството во струшкиот совет на 15-тата седница донесе одлука за поставување на спомен обележје на Косово на кејот на реката Црн Дрим.
„Без гласот на советниците од СДСМ воопшто немаше да може да се почне таа постапка“, велат од партијата со коментар дека на кејот на Црн Дрим ќе се гради споменик на друга држава, во време кога спомениците на македонските херои се сквернават и се уништуваат.
Од струшкиот комитет на ВМРО-ДПМНЕ додаваат дека ако советниците на СДСМ сакале да искажат благодарност на Косово, тоа можеле да го направат со подигнување на споменик во Косово. Сметаат дека со ова, намерно и свесно некој игра на картата на меѓуетнички тензии.
„Секогаш кога власта ќе процени дека тоа и одговора, се потпалуваат меѓуетнички тензии“, пишуваат од општинскиот комитет на партијата во Струга.