Помалите албански политички партии од опозицискиот блок ги поставија своите услови под кои би поддржале отворање на Уставот и вметнување на Бугарите во него.
Велат за да дадат поддршка власта ќе мора да ги испочитува нивните барања… Од Алијансата за Албанците најавија дека во следниот период ќе презентираат пакет мерки за уставни измени кои ќе ѝ помогне на држава да функционира онака како што треба.
Со свој услов се огласија и од БЕСА од каде побараа терминот „20 проценти“ да се замени со „албански јазик“.
Од партијата велат дека очекуваат, многу порационален пристап од македонска страна во однос на ова прашање.
Ваквите ставови на партиите доаѓаат по изјавата на претседателката на чешкиот парламент Маркета Пекарова –Адамова по средбата со Џафери и Ковачевски, дека според информациите со кои располага уставните промени во земјава ќе поминат лесно затоа што како што посочи во Македонија има волја за промена на Уставот и напредок на патот кон ЕУ.