Нападите и изјавите од страна на колеги историчари од Македонија создадоа една непријатна атмосфера кон работата на комисијата, и особено во јавноста која не е директно запозната со работата на комисијата, вели професорот Ѓоргиев, копретседателот на мешовитата комисија за историски прашања со Бугарија.
Јас не знам на што се должи тоа, никогаш тие колеги не дошле да прашаат за што ние разговараме, кои се нашите намери, кои се нашите идеи зџа препораките, никогаш. Нивните пишувања се најчесто изјави и тоа не од страна на македонски политичари, туку од бугарски, доколку некој во Бугарија изјави тоа е апсолутна вистина и тие го земаат тоа како основа за свои пишувања. Таков беше и случајот со објавувањето ан вториот протокол од Бугарија. 20 пати во делот за работата за историската комисија се употребува терминот „двете страни“, значи, апсолутно има 99 посто реципроцитет во работата на комисијата. Овде тоа е злоупотребувано, вели професорот ѓоргиев.