Актуелниоот градоначалник на Анкара и кандидат на Републиканската народна партија, главна опозициска партија во земјата, Мансур Јаваш прогласи победа на изборите за градоначалник на главниот град на Турција по денешните локални избори. Првичните резултати покажуваат дека тој има, речиси, 20 отсто предност во однос на ривалот од владеачкјата Партија на правдата и развојот на шефот на државата, Реџеп Таип Ердоган.
Истовремено, актуелниот градоначалник на Истанбул, Екрем Имамоглу, кој исто така се кандидираше за реизбор, порача дека е „многу среќен“ поради првичните резултати за градоначаник на најголемиот град во Турција, врз основа на 40 отсто од преброените гласачки ливчиња.
Турската телевизија НТВ претходно соопшти дека Имамоглу има поддршка од 49,09 отсто од гласачите по 3,67 отсто обработени гласачки ливчиња, пренесе „Ројтерс“.