Загадувањето не смее да стане само зимска тема, апелираат струмичките еко-активисти. Тие се загрижени од пoследниот извештај на Швајцарската компанија IQAir, според кој Струмица е најзагаден град во Македонија. Тие бараат да се спроведат итни краткорочни мерки кои и постепено подготвување за змиската сезона.
Струмица се наоѓа во котлина што го отежнува справувањето со аерозагадувањето. Активистите бараат државата заедно со општината да спроведе стратегија за поттикнување за замена на греењето во домаќинствата и индустриските капацитети.
Струмица е гасифицирана со виртуелна гасификација речиси 12 години. Сепак, транспортот на компресираниот гас од Бугарија до Струмица сè уште го прави скап овој енергенс за голем број на домаќинства. Решението за кое одмана се зборува, но уште не е спроведено е приклучување на Струмица кон националниот гасовод.
Сузана Мицева