Американскиот Стејт департмент одобри потенцијална продажба на 246 противтенковски проектили „Џавелин“ на Косово, за проценета вредност од 75 милиони долари, соопшти Пентагон. Ваквата најава доаѓа веднаш по изјавите на Вучиќ дека во време кога сите се вооружуваат Србија нема да заостане на тој пат.
„Во регионот сите се вооружуваат. Наше е да не заостануваме. И не заостануваме. Ќе го видите тоа наскоро“, истакна Вучиќ коментирајќи ја изјавата на францускиот премиер дека вооружувањето на Франција е негов приоритет.
Сепак, по најавите на Пентагон за вооружување на Косово напредно технолошки проектили српскиот претседател нагласува дека неговата земја ќе продолжи да се однесува одговорно и да придонесува за стабилноста на Балканот, како и да работи на зачувување на српско-американските односи и покрај тоа што САД го прифатиле барањето на Косово.