Откако Министерството за одбрана на Азербејџан соопшти дека е постигнат договор за прекин на огнот во Нагорно-Карабах, а воените сили на одбраната го предале оружјето, народот на Ерменија излезе на улиците и побара оставка од премиерот Никол Пашинјан.
Демонстрантите ја блокираа авенијата Тигран Меца до зградата на ерменската влада во центарот на Ереван и извикуваа антивладини пароли, а дојде до судир со полицијата која почна да ги апси со употреба на сила.
Граѓаните на Ерменија го обвинуваат Пашинјан и неговата политика за неуспешниот исход на ситуацијата, како и за предавањето на Нагорно Карабах на Азербејџан.
Според последните информации во нападот на Азербејџан врз Нагорно – Карабах, регион населен претежно со етнички Ерменци загинале најмалку 200, а над 400 лица се ранети.