Образовните асистенти за децата со попреченост да не бидат под ресурсните центри, туку да се формира Национална агенција за овој вид кадри, со цел подобро утврдување на состојбите, во зависност од демографските потреби на оваа категорија граѓани. Барањето до министерот за образование Шакири, од Коалицијата „ Менуваме“, која ги застапува правата на лицата со попреченост , го кажале на денешната средба , во пресрет на новата учебна година. Од „Менуваме“ не се задоволни од пропишаното во Регулативата, која вели еден образовен асистент за повеќе деца зашто во сега завршената учебна година имаа 720, а ланската, децата со попреченост располагаа со 500 образовни асистенти, во цела Македонија.
Бидејќи досегашните асистенти не ја задоволуваа потребата кај децата бидејќи се случуваше еден асистент да биде на 3 деца. Повторно родителите и децата беа оставени сами на себе и повторно доцнеа во образованието. Повторно изгубија уште една учебна година, вели Суарет Алишан од Коалицијата „Менуваме“.
За да учениците со попреченост добијат образовни асистенти потребна е проценка за редовно или специјално образование, според Меѓународната класификација за функционалност. За таков документ се чека цела година и децата често губат можност да добијат образовен асистент , реагираат од „ Менуваме“.
Тука е потребно МКФ да ги зајакне службите и истовремено начинот на кој се закажува проценката на функционалност на децата со попреченост да не биде директно преку МКФ, туку тој да биде сега и веднаш преку „ Мој Термин“, вели алишан.
Од Коалицијата не добиле гаранција од министерот дека бројот на образовни асистенти во новата учебна година ќе порасне. Но, како што кажаа, Шакири го прифатил барање учениците со попреченост да продолжат во новата учебна година да следат настава во училиштата во кои беа и до сега , а капацитетите на тие објекти да се зголемат за да тие деца учат заедно со останатите со типичен развој . Барањата се дел од предложениот Нацрт план на „ Менуваме“, испратен до УНИЦЕФ, а ќе биде доставен и до Делегацијата на ЕУ во Македонија.
Сотир Трајков