Дали на локалитетот Кале кај селото Крупиште се напишани буквите аз, буки, веди, дел од првата словенска азбука глаголицата од страна на Кирил, а неговиот брат Методиј бил епископ во градот Равен се уште со сигурност не може да потврди.
Археолошките истражувања на Блага Алексова пред 39 години, но и од пред две години на штипските археолози потврдуваат дека овде писменоста постоела.
Каменот на кој се испишани букви од глаголицата е во депото на штипскиот Музеј, кој чека конзервација.
Штипскиот музеј има проект како овој локалитет кој се простира на површина од осум хектари да биде достапен за туристите, но ќе почека подобри времиња. Пари освен од ресорното министерство ќе се бараат и од фондации. Месното население сведочи дека туристи доаѓаат, но без соодветна сигнализација тешко може да се најде и да се пристигне до него, бидејќи се наоѓа во поле со оризни ниви.
Во Штип беа промовирани и триесетина црковни книги, стари неколку века, а денеска е откриен и споменикот на Свети Кирил и Методиј, каде било најстарото училиште во градот.
Викторија Јованова