Страшно злосторство се случило утрово кога четиринаесетгодишно момче дошло вооружено во училиштето „Владислав Рибникар“ во белградската населба Врачар, го убило чуварот и ранило повеќе луѓе.
Според првичните информации на српските медиуми ученикот од седмо одделение од тоа училиште, вооружен дошол во училиштето и почнал да пука, а стрелбата траела околу пет минути.
Министерството за внатрешни работи на Србија соопшти дека има уапсени, а повредените се хоспитализирани.
Пред училиштето има голем број луѓе, полиција, итната помош, како и преплашени родители чии деца посетуваат настава во овој објект.
Претседателката на Синдикатот на просветните работници на Србија, Јасна Јанковиќ, претходно во изјава за Нова.рс рече дека е шокирана од настанот и информираше дека во пукањето повредени се најмалку пет ученици.
Уапсениот ученикот кој пукал во училиштето во Врачар го зел пиштолот од неговиот татко со кој пукал врз учениците и професорката.
Градежен работник од Турција настрада на градилиште во центарот на Скопје