Речиси 1,3 милиони Французи учествуваа на синоќешниот национален протест, што претставува зголемување од првиот бран на штрајкови и маршеви пред две недели. Само во Париз на улица излегоа 87.000 граѓани.
Протестите се против идејата на владата за зголемување на старосната граница за пензионирање за две години, односно од 62 на 64 години за што инсистира и претседателот Емануел Макрон.
Синдикатите, пак, кои се главни организатори на протестите, се заканија со нови штрајкови и собири. Првите прекини на работата во Франција се закажани за 7 февруари.