Откорната лимена кровна конструкција од зграда од невремето што попладнево го зафати Охрид оштетила повеќе куќи и возило.
Информацијата ја потврди раководителот на Центарот за управување со кризи од Охрид, Митко Темелкоски, посочувајќи дека за среќа нема поврдени луѓе.
Имаме дојава за паднат дел од кров на улицата „Лазо Трповски“, кој оштетил неколку соседни пониски објекти. Причинета е материјална штета, за среќа нема повредени, изјави Темелкоски.
Силниот ветер, проследен со дожд и град откорна дрвја, искршил гранки и искинал кабли од телефонски и телевизиски оператори во градот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.