Во Градски парк се адаптира теренот со тартан и ризла за пристапност на сите граѓани, соопштува директорот на ЈП Улици и патишта, Борис Настов по жестоките реакциите во јавноста за вчерашното асфалтирање на патеката околу лавиринтот во Градскиот парк.
Непотребни се тензии во почетната фаза на реконструкција дури не се заврши целосно реконструкцијата, вели Настов и објаснува дека патеката околу лавиринтот се обложувала за бондирање, а потоа дека и ќе биде покриена со тартан материјал.
А останатите патеки, според него, се реконструираат со нова асфалтна маса заради поголема пристапност на барање на граѓаните.
Нема одговор на вчерашното барање на граѓанската иницијатива Зелен Хуман Град, кои бараат Град Скопје веднаш да прекине со асфалтирањето, бидејќи на лето може да се загрее и до 67 степени.