Претставници на Владата и на Стопанската комора денеска ќе одржат работна средба за предлог-решенијата околу состојбите со енегетската криза.
Делегациите предводени од министерот за економија Крешник Бектеши и заменик претседателот на Комората и претседател на Македонската енергетска асоцијација (МЕА) Кочо Анѓушев ќе ја разгледаат најновата ситуација со движењеот на цените на струата и предлозите коио ги добија од МЕА.
МЕА на Седницата одржана овој месец ги донесе следните заклучоци:
- Да се зголеми домашното производство на електрична енергија користејќи ги сите можни ресурси.
- Владата да ја врати Уредбата активна во кризната состојба со која целокупната произведена енергија од обновливи избори беше насочена само за индустријата.
- МЕА бара измени во Законот за градба, со цел легализирање на индустриски капацитети/објекти само со Г намена (за незагадувачка индустрија), кои се изградени согласно веќе донесените урбанистички планови и имаат основни проекти, но немаат дозвола за градба од повеќе објективни причини.
- Владата да обезбеди гаранции дека во текот на претстојниот зимски период соседните земји нема да ги затворат границите за проток на електрична енергија.
- Регулаторна комисија за енергетика да припреми правилник за организирање дистрибутивни мрежи.
По завршување на средбата околу 12 часот е предвидено да дадат изјава за медиумите.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.