Контурите на идната Влада јавноста очекува да ги дознае задутре, во петок, од она што го најавија деновиве лидерите на Коалицијата „Вреди“ и лидерот на ВМРО – ДПМНЕ Христијан Мицкоски, да се официјализира договорот за соработка и да се соопшти поделбата на ресорите во Влада.
Според информациите на Телма, на Коалицијата „Вреди“ ќе раководи со министерствата за економија, здравство, труд и социјална политика, инфроматичко општество, култура а најверојатно ќе го добие и спикерското место во Парламентот. Дали во пакетот ќе влезе и местото прв вицепремиер засега нема потврда.
ВМРО – ДПМНЕ ќе ги води, правда, МВР, МНР одбрана, финансии и останатите министерства.
Кога станува збор за заменичките места, неофицијално, Коалицијата „Вреди“ би ги добила во животна средина, транспорт, МВР и МНР, одбрана и земојделство.
Во јавноста се шпекулира со имиња во идниот кабинет на Владата но засега официјална потврда нема. Според информациите на Телма, извесно е дека неколку градоначалници ќе ја задржат својата функција бидејќи се ближат локалните избори а меѓу нив може најверојатно ќе биде Биљал Касами кој би се повлекол и од пратеничкиот мандат.
Огнен Чанчаревиќ