Дупка без дно е Фондот за пензиско осигурување, но е полно грне богатство доколку не сте пензионер туку молер на тендер.
Глетување на стари ѕидови – 1770 денари за квадрат, кречење 1180 денари за метар квадратен. За новите ѕидови од гипс картон, глетувањето било 2124 денари за квадрат, но кречењето било само 1060 денари за метар квадратен. Ова се дел од цените за одржување кои ги платил Фондот за пензиско осигурување во 2022 година, неколкупати повисоки од пазарните.
Ревизорите откриваат големи проблеми кои со години не се решаваат во ПИОМ.
Дигитализацијата во Македонија ниту е поевтина ниту пак државата ги избриша редовите граѓани кои услугите ги бараат тет-а-тет, а не преку интернет.
Колку пари и колку време се губат онаму каде што граѓаните бараат услуги од државата. Гледајте КОД вечерва во 19:15.