Повеќе стотици жители на Битола излегоа вечерва на протестот организиран под мотото „Правда за Јана“, изразувајќи ја својата тага и незадоволство од смртта на шест-годишното девојче, кое почина во Битолската болница , по примена инфузија.
Граѓаните бараат одговори како воопшто можеше да се случи трагичниот настан а носеа и плакати со кои ја осудија смртта на девојчето и сопствениот бес заради состојбата во македонското здравство: „Битолска болница = селска амбуланта“ ; „Ако немаш пријател – умри си“ ; „Запазени сите протоколи за смрт“ ; „Уште колку здрави деца како Јана треба да умрат“ ; „Сложни доктори и во петок закопуваат“.