Со почеток во 11:00 часот во Кабинетот на претседателот утре ќе се одржи 17-та седница на Советот за безбедност, на која тема ќе биде актуелната енергетската криза во Република Северна Македонија и мерки за нејзино надминување.
На седницата, покрај членовите на Советот за безбедност, ќе присуствуваат и заменикот на претседателот на Владата задолжен за економски прашања, координацијата на економските ресори и инвестиции, Фатмир Битиќи, министерот за финансии, Фатмир Бесими и министерот за економија, Крешник Бектеши.
По завршувањето на седницата на Советот за безбедност ќе следaт изјави на претседателот Стево Пендаровски и претседателот на Владата, Димитар Ковачевски, што ќе се пренесуваат во живо на YouTube и Facebook платформата на претседателот.