Вести Македонија Топ вести

Нема конечен договор за составување Влада

Продолжуваат преговорите за составување Влада. ВМРО-ДПМНЕ инсистира на некомпромитирани и квалитетни  кадровски решенија, „Вреди“ „се пофали“ со тројца вицепремиери, четворица министри и најмалку 5 а можеби и 7 заменици министри.

Поголемиот и носечки партнер, чиј лидер ќе биде и мандатар, не споделува детали со јавноста бидејќи не сака да го наруши преговарачкиот процес кој се уште не е финализиран. ВМРО-ДПМНЕ објаснува дека се базира на евро-интегративниот процес, борбата против криминалот и корупцијата и забрзан економски развој. Се разговара и за ресори и за имиња.

 -ВМРО-ДПМНЕ внимава и на персоналните решенија кои што се нудат во колициските преговори. Тие не треба да бидат компромитирани на било кој начин и треба да се посветени кон работата и реформите што ќе следат. За сега може да се каже дека преговорите се во напредна фаза. Во преговорите се внимава на квалитетот на самата поделба и на бројката што ВМРО-ДПМНЕ ја има во освоени пратеници за овој Парламент. Можам да кажам дека преговорите ќе продолжат во наредните денови, изјави портпаролот на ВМРО-ДПМНЕ Наум Стоилковски.

Во распределбата на ресори влегуваат и трите нови министерства што ги вети ВМРО-ДПМНЕ во изборната програма: министерство за енергетика и рударство, за спорт и за дигитална трансформација. За ваква реформа во органите на управата, како и за редефинирање на уште неколку постојни министерства е неопходно дво-третинско мнозинство. Партијата верува дека ќе го обезбеди со помош на пратеници од ЗНАМ и од коалицијата предводена од СДСМ. Ова ќе биде првата работа на новиот Парламент дури пред изборот на Влада.

Ресорсното учество на „Вреди“ е релативно познато. Алијанса ќе предложи вицепремиер за добро владеење, министер за здравство и заменици за Одбрана и за Земјоделство. За Демократското движење е резервиран првиот вицепремиер и Екологија, како и заменици во МВР и Транспорт. За БЕСА – Економија, Социјала и заменик во Култура. За Алтернатива – Евроинтеграции, заменик во Образование, но и спикерското место во Собрание, на кое треба да седне Африм Гаши. Конститутивната седница е закажана за вторник.

Соња Николовска

 

 

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Вчера имало проблем со електроенергетската мрежа во Македонија и можело да има сличен колапс и снемување струја како денеска во половина балкански држави, тврдат во БиХ?

Дејан Дејан

Во Пакистан експлодира бомба крај пат при што загинаа пет војници

Дејан Дејан

Нормализиран сообраќајот на патот Градско – Велес

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе