Руските медиуми објавија видео на кое еден од приведените под сомнение дека учествувал во нападот на трговскиот центар „Крокус“ во околината на Москва, го признава делото и вели дека за тоа бил платен 5.000 евра.
На снимката, човекот се претставува, го дава својот датум на раѓање и тврди дека добил инструкции преку Телеграм, каде што „ја слушал лекцијата на проповедникот“, а помошникот на проповедникот го контактирал пред околу еден месец.
🚨🇷🇺 Another Moscow terrorist was just captured in the Bryansk region. pic.twitter.com/71UaNT1tWw
— Jackson Hinkle 🇺🇸 (@jacksonhinklle) March 23, 2024
Телеграм каналите „База“ и „Внимание, вести“ напишаа дека за терористичкиот напад се осомничени државјани на Таџикистан.
Шефот на Советот за информатичка политика на Државната дума, Александар Хинштајн, изјави дека двајца осомничени се приведени во областа Брјанск, а во автомобилот што го возеле биле пронајдени таџикистански пасоши.
Министерството за надворешни работи на Таџикистан соопшти дека не добиле потврда од руските власти за „лажните информации кои моментално кружат за вмешаност на таџикистански граѓани“.