Легендарната велшка поп-рок пејачка Бони Тајлер почина во болница во Португалија на 75-годишна возраст по долго боледување, пренесуваат светските медиуми. Тајлер беше на интензивен медицински третман од мај оваа година, кога беше подложена на итна операција на цревата во близина на нејзиниот дом во Фаро, Португалија.
Иако накратко беше изнесена од индуцирана кома минатиот месец, нејзиното семејство потврди дека таа на крајот подлегнала на болеста.
Родена како Гејнор Хопкинс во Скевен, Велс, таа стигна до глобална суперѕвезда во 1970-тите и 80-тите години, со својот рапав глас и моќни балади. Соработувајќи со продуцентот Џим Штајнман, Бони Тајлер создаде монументални хитови како што се „Total Eclipse of the Heart“ ( „Тотално затемнување на срцето“) и „Holding Out for a Hero“ ( „Чекајќи херој“).
Во текот на нејзината децениска кариера, таа заработи повеќе номинации за Греми, нејзините синглови се искачија до првото место на топ листите и го претставуваше Обединетото Кралство на Евровизискиот натпревар за песна, во 2013 година.
