По дводневните жестоки вооружени пресметки на границата меѓу Ерменија и Азербејџан, Ереван се обрати до Организацијата на договорот за колективна безбедност, на чие чело е Русија, со барање да ѝ помогне да го врати територијалниот интегритет загрозен од нападите на азербејџанската војска..
Ерменските власти соопштија дека во дводневните пресметки загинале 105 припадници на армијата. Предупредуваат дека судирот би можел да прерасне во војна, што би бил вториот голем оружен воен судир во поранешниот Советски Сојуз додека руската војска е фокусирана на инвазијата во Украина.
Општ оружен конфликт би ризикувал да ги вовлече Русија и Турција, и да го дестабилизира важниот коридор за цевководи кои пренесуваат нафта и гас. За турскиот претседател Реџеп Таип Ердоган ставот на Ерменија кон Азербејџан е „неприфатлив“ и предупреди дека ќе има последици.Ердоган и Путин се договорија да се сретнат во Узбекистан каде ќе разговараат за новонастанатата ситуација на Кавказот.