Федералната служба за безбедност на Русија соопшти дека терористите по нападот што го извршија синоќа во концертната сала „Крокус“ во Москва, имале намера да ја преминат границата меѓу Русија и Украина и дека имале контакти на украинската страна.
Истражниот комитет на Русија претходно соопшти дека неколкумина од осомничените за нападот се уапсени недалеку од украинската граница.
Властите соопштија дека привеле 11 лица, меѓу кои и четворица кои директно учествувале во нападот.
Според досегашните податоци, во терористичкиот напад во концертната сала „Крокус сити хол“ во близина на Москва загинале 115 лица.
„Во моментов е утврдено дека бројот на загинати е 115 лица. Бројот на загинати ќе се зголемува“, пренесува РИА Новости.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.