Попладнево во Белград, заврши прошетката на Европрајд парадата, откако учесниците ја поминаа одобрената траса, силно обезбедувана од полицијата, од зградата на Уставниот суд до Ташмајдан, каде настанот завршува со концерт. На самиот настан му претходеа повеќе инциденти. Противниците на одржувањето на Европрајд парадата во Белград се собраа пред Храмот на Свети Сава во главниот град на Србија. Полицијата успеала да ги потисне граѓаните, кои носејќи крстови, икони и други верски обележја излегоа на улиците да го изразат своето несогласување.
Српската премиерка, Ана Брнабиќ, изјави дека за безбедно одржување на настанот биле ангажирани околу 5 200 припадници на полицијата. Уапсени биле вкупно 64 лица, додека во инцидентите полесно биле повредени и 10 полицајци. Таа додаде и дека биле оштетени пет возила на интервентната полиција, додека биле регистрирани два посериозни инциденти.