Во Словенија вчера силно невреме со пороен дожд, град, громови и силен ветер. Од Словенечката агенција за животна средина соопштија дека невремето, кое започнало на северот од земјата, се движело кон централниот дел и југоистокот.
Невремето предизвикало материјални штети, при што силниот ветер откорнувал покриви и соборувал дрвја.
Дополнителни оштетувања се регистрирани и од град со големина на орев. Словенечката управа за заштита и спасување информира дека најтешко погодено е подрачјето на Марибор и околината.
Денеска во земјата според МетеоинфоСловенија времето ќе биде сончево и топло во поголемиот дел од Словенија. Попладне, изолирани врнежи од дожд и неколку мали, краткотрајни бури ќе се појават над ридовите на северна, централна и особено западна Словенија.
Во близина на морето, развојот на повремени врнежи од дожд и мали бури може да се продолжи до петок навечер.
УХМР веќе најави дека и во Македонија денеска времето ќе биде променливо облачно со сончеви периоди. Попладне на повеќе места ќе биде нестабилно со пороен дожд, грмежи и засилен ветер.