Партиите и од власта и опозицијата бараат одговорност за здравствената ситуацијата во Гостивар, но на различни места ја лоцираат вината.
ВМРО – ДПМНЕ прстот го вперува кон опозицијата и обвинува дека локалната власт не рeагирала .
ОД СДСМ сметаат дека се доцни со прогласување на епидемија и дека ова не е тема за терање политика .
„СДС, ДУИ и Таравари додека славеа и се радуваа на победата се беше добро, а денес кога треба реакција и одговорност никаде ги нема. Зошто доцни реакцијата ? Зошто немавме брза реакција на службите на локално ниво и одговорност? Дали СДС, ДУИ и Таравари сметаат дека овој скандал ќе помине неказниво? Над 1000 наши сограѓани беа директно или индиректно завршени во болница поради труење од несовесното раководење на општинските институции. Затоа, бараме одговорност и расплет на овој скандал кој го доживува Гостивар“ – вели Мартин Андоновски, претседател на ОК на ВМРО-ДПМНЕ во Гостивар.
„Наместо да се фокусираат на прогласување на епидемија, помош на граѓаните и решавање на проблемот со водоснабдувањето, ВМРО продолжува со истата пракса – да префрла одговорност на други и да прави политички поени од туѓа несреќа. СДСМ нема никаква врска со управувањето на градот и ние нема да дозволиво оваа тема ВМРО да ја злоупотребува Граѓаните на Гостивар во овој момент се згрозени од нивните политички игри. Граѓаните очекуваат одговорна власт која ќе се занимава со нивното здравје, а не со напади врз опозицијата“ – изјави организацискиот секретар на СДСМ, Зоран Трифуновски.
Додека партиските препукувања и обвинувања траатм сите се согласуваат дека состојбата во Гостивар каде над 1500 граѓани се пријавиле во болница со здравствени проблеми е сериозна и очекуваат истражните органи да дојдат до одговорните.
Елена Ивановска Мукоска