Иранската преговарачка делегација предводена од претседателот на иранскиот парламент, Мохамад Багер Галибаф одржа средба со домаќинот на преговорите, пакистанскиот премиер Шабаз Шариф.
Пред да допатува во Исламабад, Галибаф порача дека пред одржување на преговорите Соединетите држави мораат прво да ги одмрзнат блокираните ирански средства во странство. Иранските државни медиуми јавуваат дека тоа веќе било направено, но засега нема потврда од Вашингтон дали Белата куќа се согласила на тоа.
Претходно и Вашингтон и Техеран соопштија дека подготвиле посебни планови за мир, американскиот од 15 точки а иранскиот од 10. Но, иако верзии од двата планови се појавија во медиумите во Соединетите држави и Иран, сепак тие официјално не беа објавени.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.