Во Скопје, вечерва се одржа македонската премиера на “Приказната за Силјан” документарниот филм на режисерката Тамара Котевска.
По блескавите критики на светската сцена, “Силјан” во кој во главна улога е еден македонски штрк, доби шест награди и 13 номинации, меѓу кои се и оние од „ Cinema eye Honors“.
Филмот раскажува за земјоделецот Никола кој не може да ја продаде земјата и плодовите од неа, поради нови владини политики. Семејството го напушта и заминува во странство, а тој работи како чувар на депонија, каде што наоѓа повреден штрк, кого го нарекува Силјан. Никола го спасува штркот, по што меѓу нив се создава нераскинлива врска.
Начинот на кој беше раскажана приказната го поттикна светски познатиот дистрибутер National Geographic Documentary Film во септември да го откупи филмот за прикажување.
View this post on Instagram
На премиерата во МНТ, присуствуваше целата филмска екипа предводена од режисерката и продуцентка Котевска и кинематограферот и продуцент на делото Жан Дакар.
Покрај звучните културни имиња, на премиерата беше и државниот политички врв. Пошироката културна и филмска публика, “Силјан” ќе може да го видат на проекциите во кината Синеплекс во Скопје, на редовниот репертоар, како и низ цела Македонија.
