Полицијата во Велика Британија уапси 26-годишен маж под сомнение за убиство по смртта на поранешната конзервативна министерка и пратеничка Ен Видикомб.
Како што соопшти полицијата на Девон и Корнвол, 78-годишната Видикомб била пронајдена во четвртокот во својот дом со тешки повреди, по што било констатирано дека починала. Осомничениот, бел Британец, се наоѓа во полициски притвор.
Истражителите наведуваат дека засега нема индиции дека станува збор за терористички чин или дека нападот бил политички мотивиран. Воедно, полицијата соопшти дека е прерано да се каже дали осомничениот ѝ бил познат на Видикомб.
Британскиот премиер Кир Стармер го оцени случајот како „шокантна вест“, додека лидерката на Конзервативната партија Кеми Бејденок изјави дека е „запрепастена“ од, како што рече, „ужасниот инцидент“.
Ен Видикомб беше една од најпознатите личности на британската конзервативна сцена. Таа беше пратеничка од Конзервативната партија во парламентот 23 години, претставувајќи ја изборната единица Мејдстон во Кент, а подоцна стана портпаролка на партијата Reform UK. Истрагата за случајот е во тек.