Марк Маркез вчера можеби не го заврши спринтот поради излетување, но денеска веднаш им се врати на победите откако славеше на трката за Големата награда на Сан Марино во рамки на Мото ГП шампионатот.
Маркез на патеката „Мизано“ стартуваше како четврти, но успеа да дојде до својата 11-та победа сезонава на 16-тата трка. Зад него финишираше вчерашниот победник на спринтот и освојувачот на пол-позцијата Марко Бецеки, додека на подиумот имааше место и за Алекс Маркез.
Шесткратниот шампион во најсилната класа во Мото ГП шампионатот веќе на своето конто има рекордни 512 бодови на врвот во генералниот пласман и е многу близу до седмата шампионска титула. Неговиот брат Алекс Маркез има 330 бодови на 2.место, додека трет е Франческо Бањаја со 237 бодови.
Следната трка е за две недели и ќе се вози за Големата награда на Јапонија на патеката „Мотеги“.
