Пратениците денеска ќе расправаат за Предлог одлуката за продолжување на кризната состојба поради можни нарушувања во снабдување со нафта и нафтени деривати. Според предлогот на Владата, мерката треба да важи од 21 јули до 20 октомври.
Владата образложува дека продолжувањето на кризната состојба ќе овозможи навремено реагирање доколку дојде до прекини во снабдувањето или до значителни ценовни шокови на меѓународните пазари. Целта е да се зачува стабилноста на домашниот пазар и да се заштитат граѓаните и стопанството од можни последици.
На дневен ред на седницата се и повеќе законски измени по скратена постапка, меѓу кои законите за енергетика, автокампови, студентски стандард, супервизија на осигурување и меѓународна заштита, како и неколку предлог-закони од областа на високото образование и науката во прво читање.