Uncategorized Избори 2024

Таравари: Шест месеци се добар период во кој треба да поминат уставните измени

 

Има еден договор меѓу нас, „Вреди“ и ДУИ, не потпишан, туку џентлменски, од пред повеќе месеци, дека европската интеграција би била приоритет за државата. Остануваме на тоа, но временски не можам да кажам „пред да се формира владата“, туку дека ние сме најголемата гаранција за идната влада дека ќе продолжи по европскиот пат, онака како што сакаат повеќето граѓани на Македонија, изјави денеска за МИА претседателскиот кандидат на албанската опозиција, Арбен Таравари.

Тој смета дека шест месеци се добар период во кој треба да поминат уставните измени за земјава да ги почне преговорите со ЕУ.

-Веќе кажав дека треба да има една динамика, временски период до Нова година, потребни се и процедури за изгласување на уставните измени, исто така ќе има парламентарни избори во Европскиот парламент, ќе има и претседателски избори во САД, се очекува дали ќе остане истата или ќе има друга владејачка гарнитура. Мислам дека шест месеци се добар период во кој треба да поминат уставните измени за да ги почнеме преговорите со ЕУ, истакна Таравари пред почетокот на средбата во Стопанската комора на северозапдна Македонија (СКСЗМ).

Неговиот противкандидат за претседателските избори, Бујар Османи, во петокот рече дека уставни измени треба да има веднаш по изборите, пред формирање на владата. Како што напомена Османи, билатерален договор за тоа нема, туку повеќето партии кои се сега во различни блокови имаат потпишано документ со кој се обврзуваат дека нема да бидат дел од влада без јасен договор за уставни измени.

 

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

„Вин-Вин“ (20.06.2024) Коалициски апетити или реформски резови, европска деблокада или тивка изолација

Дејан Дејан

Таравари во „Топ тема“: Јавното здравство е пред хаварија, а Македонија го има еден од најлуксузните и најдобри приватни здравствени системи

Дејан Дејан

Англија има 14 ресори, Франција – 15, ние ќе имаме 20, а ниту сме богати, ниту сме паметни, ниту имаме потреба од толку – Давитковски во „Топ тема“

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе