Нови царини од 50 проценти за голем број производи од Канада воведе САД со што дополнително се заострува трговскиот спор.
Според американскиот трговски претставник, Џејмисон Грир, новите царини ќе опфатат канадски увоз во вредност од околу 20 милијарди американски долари.
Мерката треба да стапи во сила на 19 август, односно 30 дена по потпишувањето на указот од страна на претседателот Доналд Трамп.
Од Белата куќа соопштија дека одлуката е одговор на, како што наведуваат, „дискриминаторската, нерамноправна и неоправдана царинска политика“ на Канада и има за цел да ги подобри условите за извоз на автомобили произведени во САД.
Новите царини претставуваат најнова ескалација во трговскиот спор меѓу двете соседни земји.
Трамп и претходно повеќепати ја обвини Канада, како и други трговски партнери на САД, дека одржуваат нетранспарентни трговски односи со Вашингтон, при што царините станаа еден од главните инструменти на неговата трговска политика во текот на вториот претседателски мандат.