Четврти ден од потрагата по двегодишната Данка Илиќ. Припадници на Министерството за внатрешни работи во континуитет ги преземаат сите мерки и дејствија за пронаоѓање и утврдување на сите факти и околности за нејзиното исчезнување. Детално се проверува просторот од куќата. Во текот на вчерашниот ден со багер беше расчистено земјиштето околу куќата во Бањско Поле, од каде на девојчето му се губи секаков траг. Набргу потоа пристигнала и полицијата која го пребарува просторот околу расчистените стебла. Двете екипи кои пристигнале од Белград и Нови Сад ги сочинуваат 18 пожарникари и спасувачи со пет теренски возила и едно куче за спасување.
Вчера три лица од околината на градот Хаџиќи во кантонот Сараево беа уапсени бидејќи на социјалните мрежи тврделе дека имаат информации за исчезнувањето на двегодишното девојче и за да ги споделат барале 50 илјади конвертибилни марки што е околу 25 илјади евра. Инспекторите од Одделот за компјутерски криминал на Федералната полициска управа лицата ги лоцирале преку ИП адреси. Веднаш по аспењето, трите лица кои се членови на исто семејство, изјавиле дека „само се шегувале“.
Исчезнувањето на двегодишното девојче по првпат го активира системот „Најди ме“ во Србија, кој е наменет за итно известување на јавноста во случај на исчезнување на малолетно лице.
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто зелена боја.