Седницата на надзорниот одбор во македонска навигација за смена на раководството која почна вчера, продолжува денеска, а ќе трае се до комплетирање на целокупната документација, информираат од компанијата.
Одлуката за промена на раководството доаѓа согласно насоките што ги даде владата на деветти јануари, а по инцидентот од 4-ти јануари кога група насилници влегоа во зградата на контрола на летање и физички се пресметаа со дел од вработените.
Заокружувањето на сите процедури се очекува да заврши следната недела.
За инцидентот на 4-ти јануари во М-НАВ, скопското обвинителство отвори истражна постапка против осум лица за кои постои основано сомнение дека како соизвршители сториле кривично дело-загрозување на безбедноста на воздушниот сообраќај.
