Пристигна и втората пратка на вакцините Фајзер од Србија. Министерот Филипче самиот ја истовари заедно со српскиот министер за здравство Лончар. Но немаше оптимнистички вести за другите вакцини. Кина побарала дополнителни документи за да ги испорача вакцините исто како и компанијата Фајзер, а сега повеќе надеж има за руските вакцини.
Српскиот министер Златибор Лончар кој ја предаде втората пратка од вакцините, рече дека во моментов не е важно кој колку пари има за да ја купи вакцината, бидејќи вакцини на пазарот едноставно нема, што е сериозен проблем.