Малите партии кои се дел од коалицијата со СДСМ бараат да бидат вклучени во преговорите за состав на новата Влада. Демократскиот сојуз инсистира во програмата на мандатарот Ковачевски да бидат наведени и нивните барања, формирање на Агенција за борба против корупцијата, ревизија на политички монтираните случаи, измени на Изборниот законик со кој Македонија ќе биде една изборна единица како и прифаќање на предлогот за субвенционирање на вработувањето на една година сите лица кои ќе завршат високо образовние .За нив е неприфатливо во Владата да има и 10 министри од албанска националност.
ДОМ бара да се формира ново министерство за енергетика и клима.
Од СДСМ велат дека Ковачевски ќе ги информира коалициските партнери за предлозите за новиот владин тим по празниците.
Јулијана Пешевска
