Девојката која падна од балкон од семејна куќа во Тетово, според сознанијата на МВР била малтретирана од нејзиниот татко. Тој самиот се пријавил синоќа во полиција и против него ќе биде поднесена соодветна пријава.
„Постапувајќи во врска со настанот од 14.03. во кој 19-годишна девојка од Тетово падна од балкон од куќата на нејзиниот дедо и која беше пренесена во Комплексот клиники „Мајка Тереза“ во Скопје, полициски службеници дошле до сознанија, односно било констатирано дека девојката била психички и физички малтретирана од нејзиниот татко А.А.“ информира МВР.
По извршен разговор со него, таткото на девојката А.А. (47) е пуштен, а обвинителството работи на документирање на целиот случај.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.