Лидерот на српската Партија на слободата и правдата, Драган Ѓилас, е во болница откако беше претепан од повеќе припадници на српската владеачка партија СНС, на улиците на Белград каде тепачите лепеле плакати на кои Ѓилас е наречен “лопов”.
На видеото што се појави на социјалните медиуми, се гледа како тој, заедно со член на неговото обезбедување, тргнува кон активистите на СНС и ги прашува зошто лепат плакати, а еден од нив му се дере во лице дека е крадеец.
Кога состојбата навидум се смирува, групата владеачји активисти му се приближуваат на Ѓилас и на негов партиски соработник и двајцата ги туркаат на земја каде ги удираат и клоцаат. Сопартијката на Ѓилас која го снима инцидентот со телефон на крајот исто така е нападната и удрена по раката во која го држи уредот.
Двајцата опозиционери побарале лекарска помош и се згрижени во болница.
Групата на оние кои ги лепат плакатите ја води функционер во градот Белград. Тој одржа прес конференција и го обвини Ѓилас дека тој прв почнал да удира и ги нападнал по што се бранеле и вратиле.
Banditi koji lepe plakate tuku Dragana Đilasa… pic.twitter.com/CFFIOY9naZ
— Stranka slobode i pravde (@SlobodaIPravda) December 19, 2024