Балкан Вести Свет

Градоначалник на Хрватски град претепал војник

Синиша Јенкач, Градоначалникот на општината Нов Мароф во Хрватска во ноќта сабота на недела претепал војник на хрватските вооружени сили по што избегал пред полицијата да интервенира, објави порталот индекс.хр.

Полицијата го води случајот како физичка пресметка во која со телесни повреди се здобил 52-годишниот војник. Јенкач инаку е член на владеачката партија ХДЗ и поранешен пратеник во хрватскиот парламент-Сабор.

Градоначалникот Синиша Јенкач за хрватските медиуми потврдил дека учествувал во физичка пресметка и дека жали за немилиот настан. Познат е и како активен каратист и тренер по карате.

На политичарот му е поднесена пријава за обид на кривично дело „нанесување на тешка телесна повреда“.

Гратчето Нов Мароф се наоѓа на 50-тина километри северно од Загреб, во близина на Вараждин. Има околу 11.700 жители и градоначалник-каратист кој се тепа по кафеани.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Нарко бос од Македонија уапсен во Швајцарија откако си направил нов македонски идентитет

Дејан Дејан

Tрамп изјави дека Русија треба повторно да биде примена во Г7

Дејан Дејан

Руте: На Украина никогаш не ѝ беше ветено членство во НАТО

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе