Топланата Скопје Север работи комбинирано и на гас и на мазут. Тоа се должи на фактот дека топланата Север нема доволно финансиски средства да обезбеди гас за непречена работа до крајот на сезоната, па затоа ќе го користи и мазутот кој го има во резерва. Иако има еколошка дозвола, според неа обврзан е да ги мери и да не ги премине границите на емисиите во воздух кои се наведени во дозволата во соодветниот временски период.
Операторот ќе врши мониторинг на параметрите наведени во Табелите 6.1.5 (а) и 6.1.5 (б), на точките на емисија и најмалку со фреквенции наведени во тие tабели во зависност од енергенсот кој го користи соодветниот временски период 6.1.4 Доколку Операторот ги стартува и ги стави во функција котлите на енергенс мазут, без одлагање треба да го извести Надлежниот орган, да изврши мерења на емисиите при стартување и да ги достави извештаите од мерењата до Надлежниот орган.
Првиот човек на Топланата Куштрим Рамадани тврди дека користи мазут од сопствените резерви, но за сега нема податок од кога е мазутот и каков е неговиот квалитет. Топланата Скопје Север има Б интегрирана еколошка дозвола издадена од Град Скопје, а раководството со оваа дозвола има обврска согласно точките 2.2.6 и 2.3.7 од неа, да ги извести надлежните органи и да доставува спецификација за квалитетот и количината на горивото, и да се мери количината на штетни материи кои се испуштаат во воздухот.
Кога Операторот ќе користи мазут како погонско гориво ќе го извести надлежниот орган и ќе доставува спецификација за квалитет и количина на горивото и истото ќе биде во согласност со Правилникот за квалитет натечни горива (“Службен весник на Република Македонија’’ бр.81/09). ,, Во услови на користење на мазут како погонско гориво, Операторот сеобврзува да ја достави количината на создадениот депозит при перење котли, негова хемиска анализа и договор за превземање на депозитот со превземачот, вели рамадани.
Директорот Рамадани соопшти дека распишал тендер за фирма која ќе го мери загадувањето. Преговорите меѓу раководството на топланата Север и Владата, односно ЕСМ, траат речиси еден месец, но договор или финансиска помош нема, а во игра е и закуп на топланата по принципот на топланите Исток и Запад.
Рамадани: Секако дека гасот е далеку поприфатлив, но загадувањето од мазутот ќе биде минорно