Директорот на Топланата Скопје Север Куштрим Рамадани потврди дека се разговарало за закуп на топланата, по примерот на топланите Исток и Запад. Но, вели дека не разбира што ќе смени тоа во врска со државната помош.
Ние мислиме дека сме обесправени во таква сутиација. Тоа му доаѓа како да одиме од Скопје за Куманово преку Охрид, вели рамадани.
Топланата Скопје Север работи на гас и користи и алтернативно гориво мазут, потврди директорот Куштрим Рамадани, појаснувајќи дека тоа се прави за да се провери дали сите постројки се во функција, но и поради цената на гасот, поради што мазутот бил поисплатлив.
Ние имаме обврска според Законот за енергетика да чуваме залихи за алтернативно гориво. Така да од тие залихи што ги имаме во Скопје Север употребуваме мазут како алтернативно гориво. Согласно дозволата што ја имаме, согласно законот, се известени истиот ден кога ја започнавме пробата на постројките, изјави Рамадани.
Во врска со влијанието на мазутот врз квалитетот на воздухот во главниот град и ефектите врз животната средина, Рамадани вели дека мерењата ќе бидат направени во следните денови.
Секако дека природнито гас е доста поприфатлив за околината, но кога гледаме секој ден со дивите депонии колку се загадува, ова загадување е минорно, смета Рамадани.