Од денеска за жителите на Белгија почнува нова вакцинална кампања против Ковид-19, со вакцини адаптирани на сојот омикрон, јави дописничката на МИА од Брисел.
Во пресрет на есента кога се очекуваат нови пикови на заразени од Ковид-19 властите од денеска повторно почнуваат со вакцинација на населението. Први на ред се лицата над 65 годишна возраст и лицата со коморбидитети или ослабен имунитет, како и здравствените работници. Посебно внимание им се дава и на бремените жени.
Новите вакцини што се нудат сега се прилагодени за нивиот сој на омикрон.
Додека во Нов Зеланд повеќе нема да биде потребно посетителите да бидат вакцинирани, освен за во здравствени и установи за нега на стари лица.
Земјата ги затвори за сите своите граници во март 2020 година, а повторно беа отворени во јули годинава.
– Денес се означува пресвртница во нашиот одговор. Конечно, наместо да се чувствуваме како Ковид-19 да диктира што се случува со нас, нашите животи, нашите иднини, ние си ја враќаме контролата, нагласи премиерката.
Меѓу другите промени што започнуваат од денеска, се и изолација во времетраење од седум дена само за оние чиј тест ќе биде позитивен на коронавирус. Изолација нема да биде потребна за контакти од исто домаќинство, ами ќе бидат подложни на дневен Ковид-19 тест пред да продолжат со својот живот нормално.
Земјата спроведуваше нула-Ковид стратегија голем дел за време на пандемијата, вклучувајќи национални локдауни во март 2020 и август 2021 година, кога делта и омикрон варијантите се појавија во внатрешноста.