Горазд Михаилов само две недели откако го напушти кормилото на Вардар од денеска има нов тренерски ангажман во Брера. Струмичани пред неколку денови ја прекинаа соработката со српскиот стратег Бојан Круљ.
Михаилов минатата полусезона и на стартот на актуелната сезона беше на клупата на Вардар, но изненадувачки си поднесе оставка по 2.коло и победата над Пелистер. Брера откако го победи токму Вардар во првото коло сега е во низа од три порази по ред па челниците на клубот се решија за смена на тренерската позиција.
Михаилов уште денеска почна со работа со тимот и ќе се обиде да ги поправи резултатите од изминатите натпревари. 50-годишниот стратег во кариерата претходно ги водеше Силекс, Борец, Тетекс, Напредок, Пелистер и Охрид.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.