Македонската таеквондистка Милјана Рељиќ не успеа да се пласира во полуфиналето на Олимписките игри во Париз откако загуби тесно од Летиција Оун од Либан.
Рељиќ загуби во две неизвесни рудни со 9-8 во првата, а во втората беше 6-6, но бидејќи Либанката имаш удар во главата ја доби оваа борба. Македонката има шанса за репасаж да се бори за бронза, ако Оун се пласира во големото финале.
Нашата натпреваурвачка приреди огромна сензација во првото коло на турнирот елиминирајќи ја двократната олимписка шампионка Џејд Џоунс од Велика Британија. Таа во категоријата до 57 килограми ја совлада третата фаворитка со 2-1 во рунди. Првата рунда и припадна на Македонката со 7-6, а втората ја доби Британката со 4-5. Во решавачката трета рунда беше 1-1, но победата и припадна на Рељиќ поради вкупно повеќе зададени удари. Џоунс е двократна олимписка шампионка од Лондон во 2012 и од Рио четири години подоцна, а на овие игри сакаше да стигна до историско трето злато, но беше запрена од нашата натпреварувачка.