Градоначалникот на Карпош, Јакимовски ја потпишал дозволата за изградба на спорната 17 катница што ќе никне во Карпош во близина на Воена болница.
Зградата која треба да вдоми 2.000 жители се наоѓа во заштитено подрачје. Потврда дека е издадена дозвола за градба беше поставувањето на таблата од страна на инвеститорот “ЗСФ Ком“ каде стои дека дозволата е издадена на 18 јануари, а правосилност добива на 1 февруари.
Според Законот за заштита на културно наследство, за да може да се гради каков било објект и да се добие градежна дозвола, урбанистичкиот проект треба да го одобри Конзерваторскиот центар.
Експерти запознати со ова проблематика велат дека во близина на болницата не треба да има високи објекти зошто нема да има простор за пристап на хеликоптери до болничкиот комплекс, а тука посебна тежина се дава на оваа болница зошто е одредена како Единица за прва реакција за НАТО силите во Косово.
Изградбата на ваква зграда е донесена во ДУП-от донесен токму од Јакимовски во неговиот мандат во 2013-та година каде се предвидува изградба на објект за домување со 26 ката и висина од 88 метри.