Руските сили за безбедност ги задушија синоќешните протести организирани од опозицијата и активистите кои избија како одговор на најавите на рускиот претседател Владимир Путин дека земјата ќе изврши делумна мобилизира на 300 илјади војници од резервниот состав за потребите за војната во Украина.
За време на протестите кои се одржуваа во 38 града ширум земјата уапсени се над 1.250 лица, најмногу во Москва и Санкт Петерсбург.
Претходно Московското обвинителство ги потсети жителите дека учеството во протести и неодобрени „масовни настани“ е казниво дело што може да резултира со „затворска казна до 15 години“.
Откако руските власти вчера најавија дека со законски измени ќе се воведе 3-годишна затворска казна за оние кои ќе одбијат да ја прифатат воената служба русите прибегнаа кон масовно резервирање на авионски билети за да ја напуштат земјата.
Светските медиуми забележаа и дека летовите на двата европски превозници кои се уште летаат од Москва, Ер Србија и Туркиш Ерлајнс се распродадени во следните неколку дена.