СОНК подготвува кривични пријави и очекува јавните обвинители да ги истражат случаите за притисоци врз нивното членство од страна на директорите во 33 градинки низ државата, каде тече штрајкот веќе 4 ден.
Претседателот на СОНК, покажа копии од писма испратени од МТСП кои се без потпис и печат, со кои директорите на градинките вршат мобинг врз штрајкувачите да седат 8 часа како на работа, дека нема да добијат дневници, дека имаат пaуза од 30 минути во текот на работниот ден.
Неделков посочи и за други форми на притисок.
А, министерката за труд и социјална политика денеска кажа дека во штрајк се 45% од вработените во 50 градинки во Македонија и дека бројот на деца кои се згрижуваат расте и во услови на штрајк.
Ден по преговорите меѓу министерот за образование и СОНК, кои завршија без успех поради тоа што не им беше понуден конкретен предлог за зголемување на платите, министерот Шаќири, апелира до синдикатот да го прекине штрајкот, да продолжи наставата во интерес на учениците, а паралелено да течат преговорите со СОНК за повисоки плати на наставниците и воспитувачите. Министерот кажа дека тоа на писмено денеска ќе му го достави на синдикатот.
Од синдикатот одговорија дека сеуште не го добиле писмото и дека по добивањето ќе го испратат до синдикалните организации.
А, за евентуален позитивен одговор треба да гласаат барем 51% од членовите. СОНК очекува конкретен предлог од владата за зголемување на платите до утре, за кој во текот на викендот ќе одлучува дали ќе запре или продолжи штрајкот во образованието и во детската заштита.
Сотир Трајков