Кој со твист, кој со трчање…Предизборно се разбиструваат глави и се одржува кондиција за уште седум дена кампањска трка. Претходните денови се посетуваа фабрики, фарми, работеа и со бор-машини, се опробаа и кој знае да избере поубави праски на пазар. Се ловеа риби, но во погрешна гардероба…
Вирусот се најде и во партиска програма, си мереа и температура, но им се случи и по некој здравствен гаф. Твитерџиите гледаат сеир и прават пародии
Како се ситнат деновите, така опаѓа и нивото на реториката.
Во меѓувреме, Ахмети му стави кече на Гоце Делчев, Зибери веќе си направи влада, а Села се закани дека таа може да биде и чисто албанска. Спотовите се посебна приказна. Свиткана кичма што се исправа со допир, поставување на прашања сами на себе…Добија многу критики, но аналитичарите велат дека, сето тоа си има своја цел.Големите партии ангажираат професионалци, се обраќаат на целни групи, иако понекогаш работите можат и да излезат од контрола.
Она што им е заедничи содржател е насоченост кон критика и исмевање на другиот, а премалку решенија за проблемите на тие на кои им се обраќаат.
Далиборка Демјанска